JINIS-JINIS LAYANG DALAM BAHASA JAWA

JINIS-JINIS LAYANG DALAM BAHASA JAWA

Layang minangka salah sawijining sarana komunikasi kang saiki isih akeh dienggo. Kuwi jalaran ragad kang dienggo ngirimake luwih murah tinimbang sarana komunikasi liyane.

1.      Layang Kitir

Layang Kitir yaiku layang kang isine cekak tur aos. Kang ditulis ana ing layang kitir mung apa kang perlune wae.

Contoh Layang Kitir

Katur mas bayu ing dalem

Wiyose mas yen ndadekake keparenging penggalih lan ora pinuju kagem piyambak aku nyuwun ngampil kagunganmu sepedha motor , arep dakenggo tilik sedulur kang lagi lara ing rumah sakit ngesti waluya parakan .

Dene anggonku mbalekake mengko bengi

Parakan ,22 nopember 2009

Adhimu

Sunaryo

2.      Layang Ulem

Layang Ulem yaiku layang kang ngaturi rawuh marang wong kang dikirimi layang. Upamane layang ulem nikahan, sepitan, utawa syukuran.

Contoh Layang Ulem

Kula angantu-antu keparengipun rawuh panjenengan sekaliyan wonten ing

Syukuran supitipun anak kula jaler kekalih, mbenjang ing:

Dinten : Minggu Wage [malem Jumuah Legi]

Tanggal : 10 Desember 2006 [20 Dulkaidah Alip 1939]

Pukul : 09.00 enjang

Papan : Gedung Mandiri Kecamatan Parakan, temanggung

Wasana awit keparengipun rawuh lan berkah pangestu, kula matur sanget nuwun.

Salam taklim,

Sela Darmaji Kekalih

3.      Layang Lelayu

Layang lelayu yaiku layang kang isine ngabarake kesripahan marang sanak sedulur. Biasane layang lelayu iku kapacak ana ing layang-layang kabar kang abasa Jawa kayata: Mekar Sari, Jaya Baya, Djaka Lodang, lsp.

      Contoh Layang lelayu

   Innalillahi wa inna ilaihi roji’un

Sampun tinimbalan sowan ing pangayunaning Pangeran kanthi tentrem ing RSUP Dr. Sardjito nalika dinten Ahad kliwon, 24 Desember 2006 (3 Besar alip 1939) pukul 11.50 siyang, Bapak/embah sutresna:

KI MANGKUSASMITA
(Yuswa 80 taun)

Layon badhe kasarekaken ing makam Sitisuci, bidhal saking griya sungkawa Jeruksari Gang Megatruh 50, dinten Senen Legi 25 Desember 2006 pukul 14.00

Ngayogyakarta, 24 Desember 2006

Ingkang duhkita

*Nyi Mangkusasmita (garwa)
*Brayat Mangkutana, SH. (putra)
*Brayat Mangkurati, SPd. (putra)
*Brayat Sumargana (raka)
*Brayat Parengkuan (rayi)

4.      Layang Iber-iber (layang Pribadi)

Layang iber-iber yaiku layang kang isine aweh pawara, katrangan, pitutur lan pamrayoga, darbe panyuwun sawijining bab pandonga lan sapanunggalane saka wong enom marang wong tuwa utawa kosok baline.

Contoh Layang Iber – Iber

Kang pandonga marang anakku

irawan ing jakarta

wiyose ngger , sarehne sok sasi ngarep iki adhimu arep disunatake,mula yen ora ana alangan siji apa kowe muleh sagurunge tanggal sepuluh , seperlu arep dakjak urun rembug.

Wasana banget ing pangarep – arep ku , lan sapungkure layang iki kabeh kaluwarga

Tansah ginanjar slamet

Parakan. 22 nopember 2009

Wong tuamu :

Suradi

5.      Layang dhawuh

Layang dhawuh isine prentah saka wong sing pangkate luwih dhuwur marang andhahane utawa sing pangkate luwih cendhek. (Surat perintah, yaitu surat yang berisi perintah dari atasan kepada bawahan)

Contoh Layang dhawuh

Para siswa kang tansah daktresnani, Sesambetan kaliyan pengetan dinten Kamardhikan kaping 69 Republik Indonesia, OSIS SMA Negeri 2 Surabaya badhe dherek-dherek ngrameaken. Awit saking punika, OSIS ngawontenaken kagiyatan Lomba Maca lan Nulis Geguritan ingkang badhe kalaksanaaken benjing:
Dinten : Jemuah – Setu
Surya : 15-16 Agustus 2014
Tabuh : 08.00 dumugi paripurna
Papan : Gelora 10 Nopember Tambaksari Surabaya
Pramila, para siswa ingkang badhe dherek lomba supados daftar ing sekretariat OSIS kaliyan Sdr. Bagus Pramono utawi Sdri. Indah Pratiwi wara-wara punika, sageda dipun leksanakaken kanthi saestu. Matur nuwun.
Surabaya, 8 Agustus 2014
Ketua OSIS,

Tanda Tangan

M. Asyrofi Pramono

Layang paturan

Layang paturan yaiku layang sing dikirim andhahan marang ndheduwuran.  Tuladhane pak lurah ngabari marang pak camat yen ing desane lagi ana garong, padudon, utawa kobongan.

Contoh kagem para peserta

Kanggo kabeh peserta saka lomba perayaan ing Indonesia Kamardikan hajat dina ing 17 Agustus 2013 ing desa Shoots tresnaa, Heart Kembang Distrik, Distrik Sang Roh Suci, kanggo ora ngapusi nalika lagi diputer, amarga lomba perampokan lomba bakal dirawuhi dening Pak Kepala lan bakal diterbitaké ing budaya Metro bagean .

Nuwun

Panitia lomba

Layang dhines, yaiku layang kang isine bab kang magepokan karo pamarentah, dikirimake saka kantor-kantor pamarentah marang kantor-kantor liyane utawa marang wong kang ana sesambungane karo pamarentah.

blog menghilang

blog saya rusak, terkunci. apa kesalahannya pada blog kami. kamipun tidak dapat pemberitahuan.